स्वर म्हणजे अशी अक्षरे जी स्वतंत्रपणे उच्चारली जाऊ शकतात. म्हणजेच  स्वरांचा उच्चार करताना  टाळू,ओठ, जीभ किंवा तोंडाचा कोणताही भाग एकमेकांना स्पर्श करत नाही. 

म्हणजे, आपले ओठ, दात, जिभ,टाळू, – काहीच आवाजाला अडवत नाहीत. तोंडात कुठेही अडथळा येत नाही.

आवाज मोकळ्या आणि सरळ पद्धतीने तोंडातून बाहेर पडतो.

मराठी वर्णमालेप्रमाणे इंग्रजी अल्फाबेटमध्ये देखील अशी अक्षरे – असे letters आहेत, ते म्हणजे: a, e, i, o, u. म्हणून यांना आपण इंग्रजी स्वर म्हणतो. त्यांच्यासाठी “Vowels” असा शब्द आहे.

आणि उरलेले जे letters आहेत त्यांना अर्थातच म्हणतात व्यंजने. पण व्यंजनांसाठी इंग्रजी प्रतिशब्द आहे – Consonants.

So,

Vowels: a, e, i, o, u

Consonants : b,c,d,f,g,h,j,k,l,m,n,p,q,r,s,t,v,w,x,y,z

Y – एक semi vowel (अर्धस्वर):

Semi म्हणजे अंशतः किंवा अर्धा 

‘Y’ हे एक असे वैशिष्ट्यपूर्ण अक्षर आहे जे कधी ‘व्यंजन’ बनते तर कधी ‘स्वर’. याच दुहेरी भूमिकेमुळे ‘Y’ ला  Semi-vowel (अर्धस्वर) म्हटले जाते. 

‘Y’ स्वर आहे की व्यंजन, हे त्याच्या उच्चारावरून ठरते. 

जेव्हा एखाद्या शब्दात ‘Y’ चा उच्चार मराठीतील ‘य’ असा होतो, तेव्हा तो Consonant (व्यंजन) असतो. 

• Yes (यस) — y चा उच्चार ‘य’ होतोय.
• Yellow (येलो) — y चा उच्चार ‘य’ होतोय.
• Beyond (बियॉन्ड) — y चा उच्चार ‘य’ होतोय.

जेव्हा ‘Y’ चा उच्चार ‘इ/ई’ किंवा ‘आय’ असा स्वरांसारखा निघतो, तेव्हा तो Vowel (स्वर) म्हणून काम करतो. 

• ‘इ’ किंवा ‘ई’ सारखा उच्चार होणारी उदाहरणे:
  • Gym (जिम) — y चा उच्चार ‘इ’ होतोय.
  • Syllabus (सिलेबल) — y चा उच्चार ‘इ’ होतोय.
  • Baby (बेबी) — y चा उच्चार ‘इ/ई’ होतोय.
  • Happy (हॅपी) — y चा उच्चार ‘इ/ई’ होतोय.
• ‘आय’ सारखा उच्चार होणारी उदाहरणे:
  • My (माय) — y चा उच्चार ‘आय’ होतोय. 
  • Cycle (सायकल) — y चा उच्चार ‘आय’ असा होतोय. 
  • dry  — y चा उच्चार ‘आय’ होतोय. 
  • cyclone  — y चा उच्चार ‘आय’ होतोय.

*****************************